Ludza - senākā Latvijas pilsēta
Sestdiena, 2020. gada 31. oktobris
Valts, Rinalds, Rinalda
Ludza
Intermittent clouds
8°C
 
A A A

Kas dzeivoj munā sātā? LaKuGa izsludynoj stuostu konkursu

Muna-sata-00Marta suokumā izguojuse jauna bārnu kruosojamuo gruomota „Munā sātā”, kur trejuos burtneicuos var puorskaiteit Ontona Slišāna bārnu dzejūleišus, latgalīšu tautys meiklis i Ilzis Spergys stuostu.lakuga logo

LaKuGa sovim skaiteituojim pīduovoj tikt pi ituos gruomotys — viņ pareizi juoatbiļd iz konkursa vaicuojumim i juoatsyuta stuosts par sovim sātys kustūnim i jūs pīdzeivuojumim.

Vaicuojumi

1) Ar kaidu izruodi ituo goda suokumā Reigā gasteja Baļtinovys dramatiskais kolektivs “Palādas”?

2) Kaids fonds itūšaļt atbolsta portala LaKuGa darbeibu?

3) Kurā datumā itūgod nūtiks skotuvis runys konkurss “Vuolyudzāni”?

Gruomotā “Munā sātā” apraksteiti i izzeimāti mozys meitinis Īvys sātys kustūni: vepris Onupris, vucyns Kostyns, kačine Murka, suneits Krikseits i cyti. Bet kas dzeivoj Tovā sātā?

LaKuGa aicynoj sovus skaiteituojus īsyuteit nalelu stuosteņu par kaidu sātys kustūni i juo pīdzeivuojumim. Stuostam kluot var dalikt karteņu voi zeimiejumu ar golvonū varūni, bet tei nav obligata praseiba i nikaidā veidā naītekmēs konkursa rezultatus, viņ dūs papyldu īskotu Tovā sātā i juos kustūņu dzeivē.

Atbiļdis iz vaicuojumim i stuosteņu gaideisim pa epostu [email protected] ar nūruodi —konkursam “Kas dzeivoj munā sātā?”. Termeņš — ituo goda 31. marts. Atbiļdei kluot juodalīk autora telepona numers.

Vysys atbildis iz vaicuojumim var atrast latgalīšu kulturys ziņu portalā lakuga.lv. Konkursa rezultati byus zynomi apreļa suokumā i tiks publicāti portalā lakuga.lv.

Bolvys sajims 2 pareizū atbiļžu autori, kuri byus īsyutejušs ari stuosteņus. Ka pareizi byus atbiļdiejuši vaira cylvāku, uzvarātuojs tiks nūsaceits lūzejūt.

Pi gruomotom tiks ari tūs stuostu autori, kurūs LaKuGys žureja atzeis par lobuokajim. Interesantuokī stuosteni tiks publicāti LaKuGā.

 

Ziņu sagataveja:

Vineta Vilcāne

[email protected]

www.lakuga.lv

coloring.cool