Ludza - senākā Latvijas pilsēta
Sestdiena, 2021. gada 16. janvāris
Lida, Lidija
Ludza
Intermittent clouds
-18°C
 
A A A

Izsludynuots stuostu konkurss „Es i latgalīši”

LaKuGa-logo-originalLeidz ar rudiņa atīšonu laiks palīk dryumuoks i leidz ar tū gorastuovūklis ari. Soka, lai aizdzeitu paceli bādys, vajag kuorteigi izasmīt. “Latgalīšu Kulturys Gazeta” aba portals www.lakuga.lv skaita taipat, partū izsludynoj smīklu stuostu konkursu „Es i latgalīši”. Aicynojam sevkuru latgalīšu rokstu volūdā īsyuteit sovu stuostu par kaidu smīkleigu i amizantu gadīni ar latgalīšim. Stuostam var pīvīnuot ari vizualū materialu – kartenis, zeimiejumus, video. Viertiejumu gon tī naītekmēs. Ka naesi drūss par sovom latgalīšu rokstu volūdys prasmem, nasabeist – roksti i syuti mums sovu stuostu!

Stuostus konkursam gaideisim leidz 2013. goda 15. novembrim iz e-postu [email protected] ar nūruodi „Es i latgalīši”. Stuosta apjūms nu 1500 leidz 3000 rokstu zeimem bez atstarpem.

Lobuokajim stuostu autorim byus puorsteiguma bolvys nu LaKuGys, i stuosti tiks publicāti lakuga.lv. Bolvys varēs sajimt LgSC Reigys birojā. Vaira par konkursu var izzynuot rokstūt iz epostu [email protected].

Itūšaļt portals dorbojās ar Latgolys regiona atteisteibys agenturys i Vaļsts kulturkapitala fonda “Latgolys kulturys programma” atbolstu. “Latgalīšu Kulturys Gazeta” jūprūjom ir pasaulī vīneigais latgaliski rokstūšais portals i ir palykuse par sova veida latgalīšu puļciešonuos vītu internetā, kur vysod var satikt kaidu pazeistamu, atrast kū sev nūdereigu i saistūšu.

 

Ziņu sagataveja:

Portala lakuga.lv redaktore

Vineta Vilcāne

[email protected]

T. 26149207

coloring.cool