Ludza - senākā Latvijas pilsēta
Trešdiena, 2020. gada 21. oktobris
Severīns, Urzula
Ludza
Cloudy
3°C
 
A A A

Drupeit nu Rotko, nu spaņa i pavysam nūteikti bez bļuz_neišonys

Laiks roksta pats sovys pīturys zeimis mierķtīceigi skaitūt dzeivis nūtykumus – personiskūs, sabīdriskūs, kolektivūs, lokalūs i pasauleigūs. Laiks roksta godsymta viesturis suokumu, i kotrs nu myusim tymā jir īkšā ar sovu syltumu, elpuošonu, sirdspukstim, darbeibom, dūmom, jiutom, sapynim, mierkim, ilguošonūs – naatkuortojams i unikals, mirkleigs. Dzeivs. Sylts. Kusteigs. Laiks jir mainiejs uorejū čaumolu i atkluojs jaunus dziļumus voi siekļus poša dvieselis jiurā. Pa 730 dīnnaktim ni mozums vysaidu breinumu jir saneits, kab daudzpunktis vītā īlikt komatu. Piec divu godu pauzis J. Soikana Ludzys muokslys školys pedagogi-muokslinīki aicynoj audziekņus i jūs vacuokus, Ludzys pošvaļdeibys vadeibu i darbinīkus, sadarbeibys partnerus, sovus draugus, rodus, pazinis, ludzuonīšus, koleģus nu draudzeigūs nūvodu artistiskuom īstuodem iz KŪPIZSTUODIS „Bez Bļuz_neišonys” atkluošonu 2013.goda 18.aprelī plkst.11:30 (taišni pyrms pušdīnu pauzis) Ludzys nūvoda pošvaļdeibys muojī 3.stuovā.

Izstuodis ideja, tū lokalizejūt, dalieji puorjimta nu Daugovpiļs Marka Rotko muokslys centra organizietuos Muokslys dīnu izstuodis „UNTITLED 2013”*, kurymā kruosu laukumu gleznīceibā izpaust sevi tyka aicynuoti Latgolys regiona muokslinīki i augstskūlu studenti.

Kūpeigajā muokslys asinsritī jir īpludynuoti divu Ludzys autoru dorbi (breivpruoteibys i žūrejis atlasis princips) I.Ladusānis „Pi līpys” i Inesis Kaziniecis „* * *„. Itūs dorbus varit apsavērt Marka Rotko centrā nu 24.04.2013. leidz 31.07.2013. Taipoš nu 12.04.2013. leidz 11.05.2013. Latgolys kulturviesturis muzejā Riezeknī izstuodī „Pasmeļ muokslu jeb SPAŅS” leidza cytim dorbim jir ari ludzuonīšu – kai pedagogu, tai jūs atvasiešu – veikums.

Kūpizstuodī „Bez bļuz_neišonys” pīsadola 8 autori. Dorbi jir topuši dažaiduos tehnikuos, i, kai parosti, jir puorsteigums i nūslāpums leidz pošam atkluošonys breižam. Izstuode jir vairuok kai procesa, kusteibys daļa, nakai rezultats. Vairuok vaicuojums kai atbiļde. Vairuok neišona kai svīksts.

Mieginuojums īruodeit kripuceiti vītys latgaliskajam vizualuos muokslys pasaulī. Koč tik viņ daudz kai izstuodis nūsaukums i šamejīs aicynuojums.

Iz kūpeigu neišonu aicynojūt i JSLMS vuordā

Vuorkaļu Sandra

*bez nūsaukuma (nu angļu volūdys)

pi lipys

Foto: Ivetas Ladusānes darbs “Pi līpys”,

kas eksponēts Daugavpils Marko Rotko mākslas centrā.

 

coloring.cool