Ludza - senākā Latvijas pilsēta
Svētdiena, 2020. gada 29. novembris
Ignats, Virgīnija
Ludza
Cloudy
-1°C
 
A A A

Troks ci nu Rogovkys voi lobs ar lobu sazatyka

EU&ENPI_LV-ENcolorSevkuram ir sovys gaitys iz zemes. Sovs īdūtīs laika vektors – deigšonai, augšanai, pumpuruošonai, zīdiešonai, brīdumam un siermumam. Skriejīņam un gausumam. Dūšonai i jimšonai. Kluotbyušonā i atguoduojumūs. Sevkura sirds stuņdinīks dzeivis dīnvydā ir apjiemeibys pylns atstuot pādys, īstuodeit ūzulu ci līpu, izcelt muoji, izaudzynuot dālu. Adventa laikā J.Soikana Ludzys muokslys škola aicynoj pīminēt, atguoduot par dzejnīku, muokslinīku, kuļturys darbinīku Ontonu Kūkuoju, kas 2014.godā 23.decembrī svineitu sovys dzimšonys dīnys 74. goda dīnu. Radūšīs, koloritīs, “trokīs” rogovkīts 7 godus kai myužeibā, tok juo  īsuoktī dorbi rūd spāku byušonā. Ceļš iz dzymtū sātu Rudukūs gluds i ībraukts. Nūdybynuotuo muokslys škola Ludzā mainuos, palykdama uzticeiga pamotūs ilyktuom vierteibom – Latgalis kultura, ģimeniskums i muokslys dzīdynūšīs spāks mīsai, goram, dvieselei, individam i sabīdreibai kūpumā. Latgalis sātu pavordūs kiup sylta guņs Ontona dāla myurātojūs cepļūs. “O bļakys” īsuoktūs trikmīņus ritmā izsyt unuks. Pūdnīku saime grīž i lypynoj pūdus. Ailinīki (dzejnīki) turpynoj salikt vuordus ritmiskuos vīneibuos, lai pastuosteitu par jiutu pasauli. Zynuotnīki, studenti, unučka pietej Ontona literarū un muokslinīciskū  devumu Latvejis kulturys kontekstā.  Īspiejams, ka paīs kaida  seikšalteņa pyrms laseituoju īraudzeis Ontona Kūkouja latgalīšu dzejis izlase i napabeigtuo gruomota “Ķīvītāns”, tok kaida ES projekta rezultats tiuļeņ byus taustoms i lītojams kai školuos, tai vīnkuorši sātā. Tei jir kruosojomuo gruomateņa par Ontonu Kūkoju i muokslinīku nu Boltkrīvejis Jazepu Drozdoviču.

Krāsojamās grāmatas "Lobs ar lobu sazatyka" vāks

Krāsojamās grāmatas “Lobs ar lobu sazatyka” vāks

Taipoš ir sagataveits metodiskīs materials deveņom nūdarbeibom, kas, līkūt pošā videnī  vīna cylvāka dzeivis nūtykumus, stuosta par kuļturys tradicejom, amatnīceibu,  viesturiskīm nūtykumim Latgolā i  muokslys lykumim. Vysam sovs laiks, i sova vīta. Skriejīņam un gausumam. Dūšonai i jimšonai. Kluotbyušonā i atguoduojumūs. Pīmynūt, puorskaitūt, puortiemejūt atstuotūs nūspīdumus – Ontona Kūkuoja dzejis i prozu, gļeznys i kinys Adventa garijūs i sveču gaismys pīpiļdietijūs vokorūs.

Latvijas – Lietuvas – Baltkrievijas pārrobežu sadarbības programma Eiropas kaimiņattiecību un partnerības instrumenta ietvaros projekts „Izglītības apstākļu uzlabošana mākslas mantojuma saglabāšanai Latvijā un Baltkrievijā pārrobežu sadarbības ietvaros” (Virtuālā realitāte” Nr.LLB-2-244)

Ludzys mokslys školys direktore

Sandra Vorkale

coloring.cool